25 feb. 2011

Os Crebinsky. O filme

Miguel de Lira significa risada garantida. Non perdas a oportunidade de ver este filme, que narra a historia de Feodor e Mijail, os irmáns Crebinsky, que naceron do amor entre un náufrago ruso e unha nativa galega. Se con isto só non te animas, outro dato, poderás tamén ver a Luís Tosar o actor galego máis internacional e recoñecido dos nosos tempos.

 Os Crebinsky

Entroido. Gorentosas receitas dende a páxina da Xunta

Aínda non nos recuperamos dos excesos do Nadal e xa toca comer abondo de novo. As sobremesas máis típicas destas datas poderemos degustalas no noso centro grazas á iniciativa do Equipo. Para nos ir informando, podemos visitar a páxina que enlazamos a continuación.

Receitas de Entroido

Entroido

O Entroido é unha festa popular que ten a súa orixe como indicación da fin do inverno e o comezo da primavera. Nel conflúen rituais cristiáns e paganos, sendo a época na que se poden romper todas as normas, cambiar de personalidade ou identidade e ironizar sobre as institucións máis asentadas. É, sen dúbida, a festa máis irreverente do calendario galego. Foi por iso que se prohibiu durante a época franquista, malia que se mantivo vivo nas aldeas. Os entroidos máis famosos do país son, sen dúbida, os ourensáns. Laza, Verín e Xinzo convértense por uns días nas capitais de Galicia. Os peliqueiros e cigarróns centran a atención dos visitantes, pero a dúbida asalta ao preguntármonos pola súa orixe: hai quen di que veñen dos cobradores de tributos dos condes de Monterrei, que posuían unha zamarra coa que castigaban os morosos que non pagasen a tempo. Sen embargo, tanto Vicente Risco coma Bouza Brey viron neles unha orixe moito máis antiga. Risco cría que proviña das asociacións secretas primitivas ou de ritos sagrados e Bouza supón que as súas orixes pertencen á prehistoria, coma unha evolución de vellas cerimonias tribais.
Outros protagonistas do Entroido son os "xenerais" en Boqueixón, Vedra, A Estrada, Vila de Cruces e Silleda; as Pantallas que dende o pasado domingo Corredoiro ata o día 1 de marzo percorren Xinzo de Limia, os boteiros e "foliós" en Viana do Bolo, as máscaras traballadas dos Volantes en Chantada , ademais dos xa coñecidos Cigarróns de Laza e Verín son algúns dos sinais desta festa tque se pechará un mércores de cinza coa queima do Momo e o Meco ou o enterro do Ravachol en Pontevedra. Tempo para a diversión e para o bo xantar... porque outra compoñente -importantísima do Entroido galego é a gastronomía: o lacón con grelos como prato forte, acompañado de doces como as orellas ou as filloas, son as comidas típicas destas festas.

                     Texto tirado de http://vello.vieiros.com/especial/entroido99.html

21 feb. 2011

MAGOSTO 2010

Aquí tedes reflexado o traballo d@s rapac@es



FLOCOS.TV

Moitas veces, cando non chega a nos a nova, parece que iso nunca aconteceu. O mesmo ocorre co cinema en galego. Cantas películas coñeces rodadas orixinalmente en galego? Seguro que o número que ti dás non se aproxima en absoluto á realidade.
Grazas á internet podemos achegarnos con maior facilidade ao que se está a crear na actualidade no noso país. Bótalle un ollo e opina.

FLOCOS

Recicla e vencerás

Dános ideas para darlle unha nova vida ao noso refugallo

FUTBOL

Existe vida máis alá deste deporte?

NA FIN DE SEMANA

Algún bo plan para esta din de semana?

ENTROIDO

Dános unha boa idea: que podemos facer este Entroido?

RENOVA A TÚA LISTA DE REPRODUCIÓN

Dende a seguinte páxina web poderás descargar, LE-GAL-MEN-TE, música galega de todos os xéneros e para todos os gustos. E todo baixo licenza Creative Commons!


A REGUEIFA

ES(TENDE) a túa opinión

Superaches xa o teu medo a divertirte lendo? Entra na seguinte páxina e poderás compartir con outras persoas os teus gustos, as novidades editoriais ou ler sobre libros que aínda non liches.
REDELIBROS

LOIS PEREIRO ou o amor pola vida

Xa vai tocando, achégase a data, 17 de maio. Este ano celebramos poder gozar da obra dun dos poetas máis importantes do noso tempo.
Así o imaxina Sechu Sende no seu blog.